رواية ليتني واجهتك الجزء الثاني الفصل السابع
سدره اتكول
أنا لَك صَدِيق ومِئة عائِله وألفَ عاشِق🤎🫀.
علي
كعدت ثاني وجنت لحظتها مستعده ابوس رجل ابويا بس لا يغضب عليه هو ابويا ولو بست رجلو ماراح استنكف من هذا الشي طلعت لمطبخ لكيت امي وابويا كاعدين صبحت عليهم امي ردت ابويا مارد
علي؛: يابا شلونك
ابو علي؛؛ من الله بخير
علي؛: الحمدالله
ام علي؛: اكف يمه اسويلك بيض
علي؛: لاحجيه استريحي مامشتهي واذا ردت اني اسوي
ابو علي؛: حضر نفسك باجر انروح على بيت عمك
علي؛؛ اي يابا صار بس عندك خلك ليش مادز على عمي وانت اتشوفو
سويتي روحي ماعرف
ابو علي؛: لاتغشم بروحك تعرف شنو قصدي
علي؛: لاحجينا اعرف شنو قصدك بس ممكن اعرف بعد اكثر
ابو علي؛: شووف علي هي كلمتين وماعيدها اني غلطت من خليتك تزوج بنت خالك لو جنت اعرف الي راح يصير جان من زمان زوجتك بنت عمك شوف واسمع زين تاخذني على بيت عمك وتعتذر من عمك وتكولو اريد بنت عمي لا يااا علي اغضب عليك ليوم الدين
علي؛؛ وشنو الفايده من زوجي من بنت عمي
ابو علي؛؛ اني عاجبني بكيفي ابني واني حر بي شنو اسوي بيك محد يلومني اريد اصلح غلطتي بزواجك من هذيجه
علي؛: ابنك راح يصير عمرو 30سنه يعني اني مو صغير وبعدين زواجي من سدره ماجانت غلطة وهسا صار اسمها هذيجه
ابو علي؛: وللللك حيييوان اتعلمني شلون احجي
علي؛: هسا يابا انت تعصب يعني اب وابن كاعدين يتناقشون اريد اتقنعني شنو الغايةمن زوج من سلوى واني ابصملك بل عشره موافق
ابو علي؛: اني ابوك وغصب عنك اتسوي الي اريدو
علي؛: على عيني وراسي وتدلل وابويا وشنو اتكول يجرالك
بس يابا سدره مالها ذنب بلي صار كلو انت ماجاي تحرك كلب اهلها جاي تحرك كلبها هي وكلبي يابا
ابو علي؛؛ لا ماجنت اعرف اشكرك ابني علمتني كوووم كوووووم من كددددامي لابارك الله بيك جاي يعلمني على الحجي ويعلمني شنو اسوي
علي؛: زواج ثاني ماتزوج وخلي هذا الشي ب بالك اني عمري ماصرت عاصي الكم بس هسا راح اصير عاصي لكه طلاكي لسدره كااافي عاد الي هينا وبسسس لوسدره لها يد بمقتل لؤي كدر ذره تعرف شنو ذره ماخليها اتشوف وجهي ولا وجه ويلادها طول عمررها الي صار كله جان قدر
ابو علي ؛:؛اني مارااضي عليك ياعلي
ام علي ؛:يارجال كااافي الله يوفقك لاتدعي على ابنك
ابو علي؛؛وووللللج مارررريه بيت اخوووج حركوو كلبي وللللللج اخذو مني المدللل مالي اريد ويلادهم كلهم مايعيشون مرتاحين وكلبهم يحترك عليهم مثل ماحركو كلبي ولللج اني اخلي ابنج يحضن اخت الي قتل ابنج
علي؛: انت جاي تحرك كلب ابنك وهذا موصحيح يابا اسمعني
ابو علي؛: اطلع من كدامي ومن اموت لاتمشي بجنازتي ولاتحضر فاتحتي ولايوم من الايام اتسوي خير على روحي دير بالك واعرف ياعلي اني ماراضي عليك الي يوم الدنيا اذا ماتزوجت بنت عمك
وكفت ع حييل وسحبت نفس موقليل اب مايرضى على ابنو بس نفس الوقت انت ماتكدر تنجبر
علي؛: كتلك يابا وارجع اعيددها عمري ماعصيتكم بس ماكدر بعد مستحيل هذا الشي انت كل كلمه وثانيه اتكولي ماراضي شنو اسوي بعد حتى اخليك ترضى يابا هاي ايدك ابوسها كاافي ماريدك تغضب عليه
ابو علي؛؛ كتلك الي عندي
علي؛؛ هذا هو واني طالع وعمرك ماراح اتشوف وجهي
دخلت لغرفتي وامي لحكت ورايا
ام علي؛؛ يمه علاوي وين اتروح
علي؛؛ على جهنم عووفيني يمه الله يخليج اني مليت من هاي العيشه كل كلمه وثانيه كال ماراضي ماراضي
ام علي؛؛ ميخالف امي اتحمل ابوك هذا والي مات ابنا
علي؛؛ دخيل ربج الي مات جان روحي بس مو معناها اكعدواحملها ذنب وهي الي بيها مكيفها يمه
ام علي؛؛ لاتطلع من البيت
علي؛؛ لاوالله طالع مليت
ام علي؛: بس كولي وين اتروح لاتسويها واتسافر
علي؛؛ لوما خوفي من رب العالمين واخاف ابويا يصير بي شي جان من زمان طلعت اخذت ويلادي ومرتي ورحت
ام علي؛: لا يمه الله يخليك لاتسويها
علي؛؛ لاتخافين اذا سويتها راح اكولج بس هسا ضايج يمه تعبت اقسملج بالله واكع ب متاهه من هينا ابويا الي كل اشويه غاضب عليه ومن هينا سدره والطفل الي بطنها ومن جهه ويلادي
وكلها ب صفحه موت لؤي كسرتلي ظهري يوم لو عبود يمه ابنج خسر كل الناس الي يحبهم ماضل عندي احد بهاي الدنيا ماكدر بعد اخسر سدره
امي من شافتني احجي هيجي صفنت عليه ورجعت كالت
ام علي؛؛ اذا حياتك مع سدره راح اتنسيك الهموم وكل الي صار معاك روح اخذهم وروح
علي؛؛ ليش اني برايج مافكرت بيها وباليله ضلمه اخذ ويلادي ومرتي ونهج بس اذا طلعت من البيت وابويا صار شي بعدها بي راح اكدر اعيش مرتاح برايج اني ماريد شي بس خلي يعوفني بحالي ماريد اتزوج سلوى ولاغيرها
ام علي؛؛ ياعلاوي ياامي الله يخليك ابوك اتغير قصي ولاهذاك القديم من يوم موت اخوك لو تعرف تزوج بنت عمك حبر على ورق مامشكله
علي؛: يوم انتي صحيح تحجين هي سلوى صح مو ادميه بس مستحيل اكدر اكسرها والي متى يضل هذا الزواج لا مستحيل هذا التفكيره
كملت تبديل وسحبت اغراضي وطلعت وامي توسل بيا وين رايح ماكتلها رحت لخالي ابو هثيم وكلت لنور اتصلي بهدير وبلغيها اني هينا بدون ماتعرف اني كتلكم
ضليت فتره ب بيت خالي وخالي يحجي معايا دائما روح هذا ابوك بوس ايدو بوس رجلو بس لاتخلي يزعل منك
اخر شي جاني خبر ابويا مريض ومتخربط وبعد اصرار الكل خالي وامي وخواتي ورغم همه كلهم ماجانون رايدين اتزوج وبل اخص سلوى حتى خالي ابوهيثم من
جان يقنعني مو من كل كلبو بس كلها في سيبل ابوك الخاطر ابوك سدره مثل ماتفهمت الوضع راح تفهم زواجك
ماجان عندي غير حل يمكن راح اتكولون عليه ضعيف شخصيه وامري مو ب يدي بس ياجماعه هذا ابويا صح عشقي لسدره ماينتهي مستحيل ولايوم من الايام راح
ينتهي بس عند الاب والام كلشي يكف
وافقت اعقد على سلوى وب يومها كلت لنور اذا سدره عرفت اني خطبتها كوليلها اتفهمي وضعي ابويا جاي يموت علي يحبج ماينسج
نور؛: كسرتها لابنت خالك علاوي
علي؛؛ نور دخلي هذا الله الي فوكج الي بيا مكفيني لاتحمليني انتي الثانيه
نور؛؛ بس الي كاعدين اتسونو غلط
علي؛؛ اني رايح وسوي الي كتلج على
سلمت وطلعت جيت لبيت سلمت عليهم ابويا مارد اتقربت بست ايدو وراسو وسحبت نفس
علي؛: الي اتريدو يصيرلك حجي بنت عمي ماتصير لغريب
ابو علي؛: وهذا الي جان لازم يصير من البدايه
كمت طلعت من المكان الي اني بي ومخنوك وادخن جكاير وماريد اسمع صوت كرهت كلشي
فكرت اخلي الشغله تطلع من سلوى وهي الي رافضتني رحت لبيت عمي واني اعرف بهيجي وقت عمي مو موجود دكيت الباب طلعت مرت عمي
ام عبدالله؛؛ هلا امي علاوي فوت
علي؛؛ هلا بيج حجيه والله البيت بعد عبدالله ماينداس بس هاي هيجي رب العالمين كتب علينا
ام عبدالله؛؛ اني كلبي يحسني اخوك عايش علي ابد مافديو اتخيل عبدالله ميت
علي؛: اتمنى لو هذا الاحساس يكون صحيح بس يمه نحن لؤي مات كدام الدنيا كلها وبعد الي حد الان كلبي يكولي راح يجي يوم ولؤي يدك الباب ويفوت
ام عبدالله؛؛ اخخخ يايمه ياريت عبدالله جان مثل اخوك يمه عبدالله الي سوى بحياتو بس ربك اعلم بي واني ام وكلبي يحترك على ابني مات وهو ماساجد لرب العالمين سجده وحده
علي؛؛ لاتبجين يمه الله غفور رحيم ويقبل دعائج
اتقدمت بستها من راسها لان كامت تبجي اشكد جانو صبورين هي وعمي واصلا ماجانو مصدكين عبدالله ميت حتى عمي ماقبل نصب بيت الشعر وكال اذا ماشوف جثه ابني كدامي ماصدك مات
علي؛؛ اذا ماكو زحمه عمه اريد اشوف سلوى واحجي معاها
ام عبدالله؛؛ فوت ابني لاستقبال هسا اصيحها واكولك ياعلاوي اني مالي دخل بالسالفه تعرفني اني ماثر على عمك بكدر شعره
علي؛؛ لهذا اني جيت احجي مع سلوى بلكي ترفض وعمي هذاك الوكت مايجبر سلوى على زواج هي ماتريدو
ام عبدالله؛؛ انت ماكو مثلك وكل ام تمنى يكون عندها نسيب مثلك واني اولهم بس انت ماتمناك اتكون نسيبي وافتهمتي قصدي
علي؛: افتهمت قصدج حجيه وماقصره ب بنت عمي بس اني ماكدر اخلي بركبتي حرمه ثانيه وكلبي مو معاها وسلوى حالها حال هدير
ام عبدالله؛؛ كول يالله وفوت وان شاء الله يصير خير
علي؛ ان شاء الله
دخلت جوى لاستقبال كعدت اشويه وجتني سلوى سلمت وكعدت عود خجلانه مني وكذا
سلوى؛: شلونك ابن عمي
علي؛؛ بخير الحمدالله انتي شلونج
سلوى؛؛ زينه تسلم
امها طلعت وعافتنا وصرت احجي معاها
علي؛: شوفي يابنت عمي الي راح احجي معاج هذا بيني وبينج بس رب العالمين يعرف بي اني جيت هليوم وكاعد اكولج لكدام ياسلوى اذا عشتي معايا حياتج ماراح اتصير مثل عيشة وحياة سدره من جانت معايا
هي كبل رفعت راسها وفكت عيونها
سلوى؛: ليش هي ب شنو احسن مني
علي؛؛ محد احسن من احد بس سدره اني احبها ولاعمري يوم فكرتها مثل تفكيري تجاهج كاخت سدره صديقه واخت وزوجه وام وكلشي ممكن انتي اتفكرينو سدره اقرب مني حتي من روحي ومستحيل راح الكي مره بل دنيا كلها تفتهمني مثل ماهي تعرفني من عيوني بمجرد نظره تفتهم شنو بداخلي
سلوى؛؛ بس اني علي
علي؛؛ خليني اكمل اني اعرف بيج من زمان تمنين هذا الشي ولو تعرفين علي لو يتزوج تسعه تمنين انتي العشرن بس يابنت عمي الله يشهد عليه اني اعتبرج مثل هدير وعمري مافكرت بيج ولانفسي راحت يمج مو قصره بيج لاوالله مابيج شي ولايعيبج شي حشاج بس اتضلين انتي اختي مثل ماهدير اختي
دنكت براسها وكالت
سلوى؛؛؛ المطلوب مني
علي؛؛ المطلوب انتي الي اتريد يصير مقابل .
سلوى؛؛رفضك مو صحيح
علي؛؛ عفيه عليج شنو اتريدي كوليلي واني اسوي بعيوني بس من يجي عمي اتكولين كدامو اني احسب علي مثل اخويا
سلوى؛؛ بس انت تعرف ابويا وطبعو
علي؛؛ اعرف زين اعرف راح يكولج ليش ترفضين علي كوليلو ابسط شي هو متزوج وعندو راح يصير ثلاث اطفال واني بنت سلوى اني حاولت مع ابويا بس ابويا مريض وطاقتي خلصت يابنت عمي لاتفكرين يوم من الايام اني وانتي نجمع على مخده وحده وتحت سقف واحد لاانتي ولاي بنت من بعد ام حسين حتى اذا تم هذا الزواج خلي ب بالج شي واحد مجرد حبر على ورقه وليش اخليج هيجي يصير بيج واضلمج
سلوى؛؛ علي
علي؛؛ كولي
سلوى؛؛ انحاول وبلكي نكدر
دحكت عليها بله هاي بطرانه صدك تحجي بس ميخالف طول خلك علي رجعت راسي ليورى وخليت رجل على رجل وطلعت الجكاره وكمت اشرب واصفن عليها
علي؛؛ انتي من كل عقلج تحجين
سلوى؛؛ ليش والله شنو الي اتريدو يصير
علي؛؛ بس اني
سلوى؛:الله يخليك اسمعني
علي؛؛ اسمعج
كامت تبجي وتحجي معايا اتقربت وكعدت بصفي
سلوى؛؛ اني حبيتك قبل ماسدره اتحبك من اني وصغيره ليش تحرمني منك ليش عمرك مافكرت بيا ولاجربت شعور مره وحده ادحك على عيوني وتعرف شكو بيها انسيك هي والله وماخليك عمرك اتفكر بيها
علي؛؛ صعبه مستحيل سدره ماتنسي سلوى مرتي حامل واطفال اثنين ورانا شلون اكسرها فهميني وحتي مو على مود نفسي على مود مشاعرج واحلامج الي صارلج سنين تحلمين بيها
سلوى؛؛ اني مااستاهلك؟
علي؛؛ لا
سلوى؛؛ ليش شنو بدر مني
علي؛؛ لان راح اضلمج ماكدر افتهمي عليه دا اكولج ماكدر المس غيرها وانتي اول الناس لان نفسي مو بيج سلوى طول عمري احسبج انتي اختي وبس راح تتعبين وراح اضلمج وكتلج لاتفكرين تعيشين سعيده مثل ماجانت سدره سعيده معايا
سلوى؛؛ انت ماتضلمني وخلي اتعب بس راح اخليك اتحبني بعدين
علي؛؛ لو كدر ذره جان الي احساس مو اعجاب ولاحب تجاهج صدكي ماخلي بشر يلمسج والله غيري
سلوى؛؛ بس حرام عليك كل هاي السنين واني احبك ومن جت الفرص تطلب مني ارفضك
علي؛؛ جج مو حرام الحرام اتعشين مع شخص جسد يمج وروحو وتفكيرو وكلشي بي مربوط بغيرج هذا الحرام
سلوى؛؛ رضيت بهذا الحرام اني
دحكت عليها واستغفرت بله هاي واحد شنو يحجي معاها
علي؛؛ سلوى بابا الي راح اتشوفي من عندي ماراح تحملين كتلج زواج منج حبر على ورقه راح يصير
سلوى؛؛بس والله رفضت اشكد ب سببك جنت ماخذه عهد على نفسي لوانت لو ماتزوج
علي؛؛لعد ضلي بدون زواج احسلج لان مستحيل اني وانتي نجمع
دنكت براسها سكتنا اشويه بعدين كالت
سلوى؛؛ اذا ابويا جبرني عليك وانت تعرف ابويا
علي؛؛ انتي كولي ماموافقه وهذاك الوكت لكل حادث حديث بس اريد من عندج لاتفكرين بيا لان هذا الشي مستحيل انتفقنا
هزت براسها منتفقين وسلمت وطلعت من بيتهم
نفس اليوم بالليل رحنا اني و ابويا واخويا لبيت عمي وابويا فتح الموضوع مع عمي وكمت اني اعتذرت من عمي كدام الكل
ابو علي؛؛ اخويا هليوم جيناكم ونريد نطلب يد بنتنا سلوى لعلاوي واتمنى ماتردنا
ابو عبدالله؛؛ والله يابو حمودي البنت هي بنتكم واحق من الغريب هو ابن عمها وعلاوي ماعلي قصره
بعد حجي وانتفاق بينهم ابويا طلب موافقة سلوى بعدين عمي بل بدايه كال اني ماخذ موافقة بنت بس ابويا رفض
طلعنا من عندهم واني التفكير انموتني وادعي ربي هذا الزواج مايتم لاكن مع الاسف اتفاجأت بعد يومين باامي اتبلغني
ام علي؛؛ يمه علاوي حضر روحك باجر العقد مالك
ضليت مسطور بوجها
علي؛؛حجيه شنو قصدج؟؟؟!!!!!
ام علي؛؛ البارحه بالليل ابوك حجى مع عمك وعمك كالو موافقين
علي؛؛ لايمه انتي صدك تحجين
ام علي؛؛ فوض امرك لربك علي وسدره عندها رب الي ماينساها كلبي خلص يوم وتعبت بعد ماتحمل مشاكل
كمت على حييييلي ورحت امشي على الغرفه ابويا اول من دخلت كمت اصيح
علي؛؛ هذاااا الزواج مايصير اقسم بالله اكلب الدنيا احرك البيت على راسك
ابو علي؛؛ تحرك البيت على راس ابوك كو.. د
علي!؛ كو.. د اذا قبلت اتزوج بنت اخوك شنوووو اتريد فهمني شنوو الي اتريدو من كل هذا الزواج
ابو علي!؛ ولككك علي اطلع من كدامي ولك اتشوفني عاجز وماكدر اكوملك ولك هيجي اتسوي مع ابوك
من كال عاجز وحاول ينزل من الكرسي المتحرك وكع هينا ماتحملت احس الدنيا كلها وكفت بعيوني حسيت روحي لو متزوج الف مره ولاصاير هذا الموقف كدامي
ابويا الي ماينكسر دحكت على واكع بل كاع ومايكدر يتحرك كام يبجي ويصيح
ابو علي؛؛وللل يابا لؤؤؤي وينك حبيبي وينككك ولكك كسروووو ظهري بيت خالك واخوك يلحك وراهم
يالله منظر ابويا وهو بهذا الحاله ماتحملت حضنتو دفعني وكعت على رجلو كمت ابوس بيها
علي؛؛ سامحني يابا ابوس رجلك
ابو علي؛؛لاتقرب مني روح روووح على مرتك
علي؛؛ يابا اني ومرتي وويلادي فدوه لرجلك انصير هاي هي يابا بس لاتسوي هيجي
اتحدى اي شخص بالدنيا كلها لو اشكد من منطي قسم ويحب ويعشق مرتو مستحيل يشوف ابو بهذا المنظر وراح يكدر يمشي ويعوفو
شلتو وخليتو بمكانو بستو من وجهو وايدينو وخليتو يهدأ وعفتو وطلعت
دخلت لغرفتي واني ماعاجبني احجي مع ولاواحد امي جت حجت معايا كلمتين وشافتني مااحجي عافتني وطلعت
وضليت كاعد بغرفتي وبس اشرب جكاير واصفن وافكر الي دا يصير بينا موقليل اكثر وحده شايل همها سدره شنو راح يصير بحالها من تسمع بل الخبر راح تخبل
مرت ساعات على هاي الحاله الغرفه كامت ماتنشاف من الدخان اندك باب الغرفه
علي؛:فوت
فاتت ميس فتحت الباب وراحت تفتح بل شبابيك
ميس؛؛ راح تخبل انت بيك شي مووو زين عليك
علي؛؛ رحمه لهلج عوفيني بحالي
ميس؛؛ لا؟ اعوفك بحالك؟ دحك على روحك دحك على الغرفه ماتنشاف من الدخان انت رجال ومالازم تنكسر
علي؛؛ ومنو كالج اني مسكور
ميس؛؛ كوم شوف روحك بل مرايا وبعدين احجي
علي؛؛ حجيتي مع سدره
ميس؛؛ انت وسدره غصب عنكم ترضون بامر الواقع علي لازم ترضون شنو ب يدكم شي بحاله وحده خلي عمي يموت وروح عيش حياتك راح تكدر هاا
هزيت براسي جج
ميس؛؛ عجل ارضى وكوم على حييلك عمتي وعمي ترى خطيه صح الي كاعد يسوي عمي غلط بس اي اب بل دنيا ممكن يسوي اكثر عمي يريد يزوجك حتى تنساها
علي!؛ كاعد يضحك على روحو هذا الزواج مايتم لو الدنيا تنكلب
ميس؛؛ راح يتم واحتمال تكدر اتعيش معاها واتحبها ويجوز تنسى سدره
علي؛؛هههه ضحكتني بابا ماتروحين اشكد بطرانه انتي احبها شنو
ميس؛؛ بكيفك اني جاي احجي معاك من قهري على عمتي وسدره وانت كلبي يحترك عليكم بس الظروف تجبرنا يكفي لؤي كسر ظهرنا كلنا وانوب عمتي ماتعرف تنقهر على منو خطيه شنو ذنبها
علي؛؛وينها امي
ميس؛؛ رجعت اني من الدوام لكيتها كاعده بل مطبخ تبجي اتكولي احجي مع علي راح يتخبل انت مو اول واخر واحد بل دنيا يتزوج كلنا مانريد سدره تاذه بس وضع عمي يفرض نستسلم لامرو كوم علاوي روح على عمتي
اتعوذت من الشيطان ورميت الجكاره من ايدي وكمت رحت على امي لكيتها واكفه على الطباخ جيت عليها حضنتها وبستها من ايدها وراسها
علي؛:شبيج يمه منو مضوجج
ام علي؛؛ محد مضوجني وليدي الله يريح بالك وبال بنتي
علي؛؛ يمه ابنج ضايع
ام علي؛؛ تذكر يمه علاوي اشكد جنت تضحك ومتونس وتطلع وتفوت وحياتك جانت مستقره جان رب العالمين يدزك عليك ابتلاء بسيطه واتكوم من عندو بس هسا صار وكت الامتحان الحقيقي وصار رب العالمين يشوفك تصبر وتحمد لو لا يوم ابو حسوني احمد ربك واشكرو واتوكل على رب العالمين والله الي دا يصير لو جنت اكدر ويطلع بيدي شي جان سويت بس ابوك اتغير بعد موت اخوك يمه واذا خسرت ابوك اني اعرف اني بعدو
علي؛: شنو اسوي كوليلي اربط روحي بوحده واضلمها معايا واعوف بنت خالي مكسوره يوم سدره شنو ذنبها
ام علي؛؛ والله مو ذنبها بس اتزوج
علي؛؛ اتزوج وراح اضلمها معايا
ام علي؛؛ الخاطر ابوك سوي الي يريدو سدره اتحبك اعرف والله مو قليل عليها ولااني اريد بنتي تنكسر بس ماريد اخسر ابوك خلي زواجك من بنت عمك حبر على ورق بس بين ماابوك يصير زين ويرجع يمشي وهذاك الوكت اني اكف بوجهو واطلكها من عندك بس دير بالك تكسرها علي اذا كسرتها لسلوى هذاك الوكت اني اول الناس راح اكف ضد طلاكم تاخذها بنت وترجعها بنت بين ماربك يحل هاي الشغله
علي؛؛ لا حجيه شنو اكسرها وانتي هيجي رايج
ام علي؛؛ غصب عنا يوم وسدره حاول تفاهم معاها اعرف ماراح تقبل ومستحيل تقبل الفكره اصلا بس حاول معاها بس يمه ابوك الله يخليك لايصير بي شي
علي؛: هذا هو حجيه يصير خير ان شاء الله
وبالفعل ثاني يوم اتحضرنا ورحنا لبيت عمي وكلنا انجمعنا يمكن اتشوفون بكل سهوله رحت اخطب وامسك عقد لاكن والله ابد موو جان قليل احس روحي جاي اموت لو حتى جان مجرد عقد ومجرد حبر على ورقه ماردت مره اتصير الي من بعد سدره ولاردت اكسرها بس انفرض عليه
هيثم كاعد يمي واخويا حمودي كاعد من جهه الثانيه وصار الملا يقرأ وصاحو سلوى دعيت ربي ترفض عمي هم ازيد من ابويا مستحيل يخلي سلوى اتفص وترفض
سال الشيخ سلوى اذا جانت موافقه اني صرت اعصاب قابض ايدي وكاعد هيثم حط ايدو على ايدي يعني اهدا مجرد سمعت سلوى كالت موافقه لو ب يدي اسحبها من شعرها واكسر سنونها اندار الملا عليه وطلب من عندي اكعد يمو
احس روحي جبل بل كوه كمت وكعدت يمو خليت ايدي ب يد عمي وصار يقرأ وكلبي يتكطع مااجا ب بالي غير بس سدره وهي واصلها خبر خطوبتي واتذكرت قبل كم سنه
جنت اني كاعد هيجي وامخلي ايدي ب يد خالي والدنيا ماواسعتني من الفرح عكس هسا الدنيا ضاكت عليه بحزنها تم العقد وصرت متزوج لمره الثانيه من بنت عمي الي عمري مافكرت بيها لو تفكيره بسيط
بعدني مصدوم وادحك بعيون الكل اتمنى لو هذا الشي مو حقيقه واتمنى هذا كابوس اصلا حياتي صارت كلها كابوس من موت لؤي الي حد هسا
رفعت راسي على صوت يكولي كوم بوس ايد عمك رحت اتقدمت على عمي وبوستو وهو فرحان الي اخذ الي رادو وصار ابن قصي نسيبو
سلمو عليه وبعدها طلبو ادخل جوى اول من دخلت عماتي هلهلن
علي؛: بدون هلاهل دافنين زلم اثنين
سكتو اتقدمت على سلوى عمتي اخت ابويا كالت بوسها بستها من راسها وكعدت يمها اول من كعدت امي كامت سحبت عبايتها وكامت
ام علي؛؛ اني اترخص
ميس؛؛ اخذني معاج يوم
عمه علي؛؛ اشدعوه هلكد مستعجلين
ام علي؛؛ عندي شغلي يالا يمه ميس امشي
وطلعت امي بدون حتي ماتبارك وجانت الوحيده هدير جايه على عقدي خواتي رغيد وعبير ماقبلو يحضرون كالولي نحنا صح ضجنا من سدره جان من قهرنا بس الي دا يصير مانكدر انكون حاضرين على
راحت امي اني كاعد على اعصابي كلشويه اريد اكوم وهدير اتكولي اكعد عيب لابسها الحلقه بعدين
جابو الذهب وبل كوه البسها هو أصلا ولااعرف يمته رايحين مشترين الذهب بس لبستها الحلقه والكلاده واشرت لهدير تجي اتكمل لبسهم
والله اسمع بنات خالاتها باذني يكولون عاف مرتو شلون جمال جانت شايله واخذ سلوى
ردت اطلع عمتي اخت ابويا كالت فوت لغرفه وحدكم حاولت اطلع حجه بس حرجوني ودخلنا وحدنا بل غرفه
اول من دخلنا وسديت الباب اتقربت عليها ومسكتها من زندها جانت لابسه ب يومها فستان ورايحه حتى لصالون واني هذا الشي كلو ماعندي علم اصلا ولامفكر
علي؛؛اني مو كتلج ارفضي ليش وافقتي
سلوى؛: حبيبي
علي؛؛ حبتج حيه لاتكولين حبيبي اني عمري ماراح اصير حبيبج ولازوجج
سلوى؛ ؛علي شبيك ليش هيجي اتسوي معايا شنو سويتلك اني
علي؛: مو كتلج ارفضي
سلوى؛: رفضت والله بس ابويا ماقبل وكالي ماسمع من بنت
علي؛: جذااابه
سلوى؛: ليش حتى اجذب عليك وانت تعرف ابويا وطبعو
علي؛؛ لان انتي ماصدكتي اخطبج
سحبت ايدها ب قوه ونترت
سلوى؛: اي لان احبك وكل يوم احلم اصير بحضنك والك شنو الله ماخلق غيرها
مسكتها من حنجها وعصرت وجها ب يدي
علي؛؛ اي الله ماخلق غيرها وهاي احلامج كلها راح تضل مجرد احلام يقضى عرفتي خلي هذا الشي ب بالج خلي هينا
احجي معاها وايد ماسك وجها واصبعتي اشر على راسها
خلي هينا يضل لو عشر سنوات لو سنه لو العمر كلو سلوى وعلي زواجهم حبر على ورق عرفتي وياسواد ليلج اذا احد عرف بهذا الحجي
عفتها ومشيت وصلت باب الغرفه سمعتها كالت
سلوى؛؛ واني هم لوبعد عمر لو عشر سنوات لو سنه لو يضل اخر يوم من عمري راح اعيش معاك زوجه مثل ماجا اليوم الي مسكت عقد عليه راح يجي اليوم الي يتم بي زواجنا
التفت عليها وضحكت مستهز وطلعت لبيت كرهت روحي والناس الي يمي وكرهت كلشي من حولي اني رجال وماكاعد يطلع ب يدي شي لو اموت احسنلي
ضليت حابس روحي بل غرفه وماعرف وين الدنيا واهلها حتى امي عجزت اشكد ماتحجي معايا وميس كلشويه تجي مافاد بطلت حمودي يجي يحتار شلون يحجي ويعصب ويصيح وبعدها يطلع يشوفوني بس كاعد بغرفتي وادخن
ثاني يوم اسمع هوسه بل بيت طلعت لكيت هوسه بطابق الثاني
علي؛: هاي شكو هينا
ميس؛: عمي كال نظفو الغرفه لست سلوى لان راح اتصير الكم
هزيت براسي ونزلت جوى اشكد حبابه هاي المره من يوم مادخلت بيتنا وماشفنا منها غير كلمه صار وتدللون وحاضر ومن طلكت سدره ماعافت امي تنزل اتنظف البيت واكثر المرات تطبخ وتطلع رغم جبت مره اتساعد امي ب شغله البيت بس ميس بنت اصول
دخلت لمطبخ لكيت امي كاعده اتسبح وماري بحضنها وحسوني من جهه الثانيه دنكت بست راسها
علي؛؛شلونج حجيه
ام علي؛: الحمدالله وليدي انت شلونك
علي؛؛على الكريم
كاعد يم امي ودك تلفوني سدره كل هاي الفتره امسويتلي بلوك وماكو تواصل معاها بس اشوفها اتخابر ميس تحجي مع الويلاد
اول مره دك ماجاوبت عرفت بيها عرفت ثاني مره دك سحبت ماري كتلها هاج مامي فتحت مايك سمعتها اتصرخ
اتريد تحجي معايا اخذت الموبايل ودخلت لغرفتي عفتها اطلع شكو بكلبها بس ماجنت متوقع راح يصير بيها هيجي
سدت الموبايل وروحي محتركه ب نار ماعرف شنو اسوي شنو ممكن اسوي حتى اكدر اصلح هذا الشي الشي الي صار يتصلح بس اذا لؤي رجع اذا لؤي حيا وهذا الشي اصعب من المستحيل
بعد ساعتين او اكثر خابرني هيثم وكالي سدره ولدت مثل المخبل ركضت ابدل واسحب ب اغراضي شنو ولدت
ام علي؛؛ علاوي يوم شبيك
وصلت باب المطبخ الدنيا افترت بيا ونص من راسي وعيوني ماكمت احس بيها من الوجع كعدت كبل بل كاع ومسكت راسي
ام علي؛؛ شبيكك علي يووم
علي؛؛ راسي مسكني وجع قوي
ام علي؛: شبيك هيجي تركض اش صاير
علي؛؛ يوم خابرني هيثم يكولي سدره ولدت
امي كبل دكت على صدرها
ام علي؛؛ صخااام يوم شنو ولدت كووم اخذني عليها كووم يوم مرتك الله اعلم شنو بيها
علي؛؛ ماكاعد اكدر افتح عيوني من الالم
ام علي؛؛ شبيك يايمه الخاطر الله يووم ميسسس تعالييي
ماسك راسي وعيوني ماكدر افتحها من الوجع والالم الي ماسكني جت ميس تركض وخابرت محمد جاني اخذني لمستشفى
حتى حجي مابعد اكدر احجي معاهم محمد ماقبل امي تجي ب سبب ابويا
بس دخلت لمستشفى وشافني الطبيب وفحصني انطاني مهدئات وكالي صاير معاك شقيقه
بس ردت اطلع اشوف سدره شنو وضعها ولامفكر بروحي بس محمد لح الي نعرف شكو بيك
بعد ماخف الالم رحت اشوف سدره لكيت خالي وعمر وهيثم بل استعلامات هيثم اتقرب وحضني
هيثم؛: العوض ب حسين وماري ان شاء الله
علي؛؛ وينها
عمر؛؛ انتو شنو الي جابكم هينا
علي؛: اتوقع ماسالتك اني جاي اشوفها مرتي
ابو سدره؛: انت مالك يمنا اي شي حتى الطفل الي جان بطنها مات يعني انكطعت اي علاقه تربطها بيك
علي؛؛ هذا الكلام نكعو واشرب مايو سدره اتضل
باسمي واكبر شارب بيكم مايكدر يحجي غير هذا الكلام
عمر اتقرب مسكني من ياختي سحبو هيثم
عمر؛؛ على منو هذا الحجي لو بيك خير ماجان تكسرها هاي الكسره لو عفتها عايشه بتركيا احسنلها الف مره من جبتها وضحكت عليها وكسرتها وجاي اتكول هي باسمك لاحبيبي متوهم روح اسال كل علماء الدين وشوف سدره بعدها باسمك لولا
علي؛: اني ماكسرتها
هيثم؛؛ كاافي شبيكم يمعودين صوتكم بدأ يرتفع والعالم كامت ادحك عليكم علاوي انت الناس كلها تعرفك وعمر انت ورتبتك مو حلو هذا الحجي بهيجي مكان عام
علي؛؛ اني جاي اشوفها
هيثم؛؛ علاوي انت تعرف الطفل بل ست اشهر مايعيش الى بمعجزه سدره من سمعت انت خطبت صار عندها ولاده وجابت الطفل ومات
حييل انقهرت من مات الطفل الي بطنها اشكد صعبه ضاكت الوجع والتعب وجانت بس منتظرتو حتي يجي لدنيا وراح انقهرت حييل بس ماكثر من قهري عليها
علي؛؛ الحمدالله على كل حال وهي
صفن بوجهي حسيت وجهو مايبشر بخير
علي؛؛ شبيك تصفن احجي سدره شنو بيها
هيثم؛؛ سدره فقدت الوعي والي حد الان ماكعدت ...
