رواية لقيت نفسي معاك الفصل السادس بقلم وعد محمد
يلهوي علي الكسفه اللي انت فيها يا حازم!
انا ازاي مقفلتش الاسبيكر اعمل ايه الحقوني يا جماعه بجد ممكن يغمي عليا تاني من الاحراج اللي انا فيه .
دقات قلبي سريعه بشكل مش طبيعي .. الادرينالين مش ملاحق عليا والله ..وشي احمر اكتر من الطماطم نفسها
جدو جه قولت الحمدلله جوايا اتطمنت
فرحتي مكملتش للأخر قولتلكوا جدو حب يوسف اكتر مني باين مش عارفه والله .. راح سلم عليه الاول بالحضن كمان عايز تجلطني يا جدو ؟
ـ عامل ايه يا جو ؟
= الحمدلله يا جدو انت عامل اي ؟
ـ في نعمه الحمدلله..مش تعرفنا علي الاخ !
= اه طبعا..دا مراد فهمي صديقي ومدير الشركه هنا .
جدو اتكلم بهمس مسموع لكل الموجودين حرفيا
ـ دا الرخم التاني ؟
= ايوا هو
يوسف رد عليه بنفس الهمس..لقيت مراد بيسأل
' مين الرخم دا ؟
ـ انت .
ينهار مش فايت انا اترفدت خلاص شوفولي كيدز ايريا اروح اشتغل فيها بقي ..ليه يا جدو يحبيبي ما لو كنت عايزني اسيب الشغل كنت قولي بدل اللي بتعمله فيا دهو
لحقت الموقف بسرعه
– اه يا دماغي..اهه مش قادره يا جدو
ـ مالك يا حبيب جدو ؟
– عايزه اروح بسرعه
ـ طيب يلا نستأذن احنا يشباب بقي..اشوفكوا تاني ان شاء الله.
= معلش يا جدو ينفع تسيبها شويه اعرفها ع الشركه ؟
قول لا بالله عليك قول لأ
ـ بس هيا تعبانه يا يوسف
= هخلي بالي منها وبعدين انت هتفضل هنا في مكتبي يعني جمبنا .
ـ خلاص ماشي
انا خلاص بقي معدش ليا لازمه في الحوار كملوا من غيري طب الارض تنشق وتبلعني طيب
لقيته بيبصلي وفيه نظرة نصر في عنيه وبيقولي .
= عشان تبقي تستني جدك يلحقك اوي .
كان بيقولها وهو فرحان فيا بشكل مش طبيعي كإنه بيقولي استني جدو بقي يجي يمضيلك استمارة الانقاذ مني مره تانيه وشوفي هعمل ايه .
علاّ صوته سنه بسيطه وقال
= يلا يا سلمي ..وخليك انت يا مراد هنا مع جدو عشان ميبقاش لوحده .
بلاش تسيبه مع جدو بلاش ..خطر عليا بالله عليك هروح في داهيه يا خلق ..ياريتك ما جيت ياجدو .
خرجنا من المكتب وانا ماشيه جمبه وبدأ يعرفني علي كل ركن في الشركه ..استني بس انت فهمت غلط انا موظفه هنا مش جايه اشتريها !
سامعه همس البنات عليا واحده منهم كانت بتبصلي من فوق لتحت كأنها بتحاول تفتكر هي شافتني فين قبل كده، والتانيه كانت حرفيًا هتموت وتعرف انا مين..اصل يجماعه يوسف كان فتي احلام كل بنت اشتغلت هنضا في الشركه ..ماعدا انا !
عند مراد وجدو في المكتب ..
ـ ازيك يا مراد ؟
' اهلا بحضرتك
ـ قولي بقي تعرف يوسف من زمان ؟
' ايوا كنا جيران من واحنا صغيرين..
ـ ماشاءالله ربنا يديمكوا لبعض
' معلش لو سمحت ينفع تقولي ..مين الرخم الاول ومين اللي قال كده .؟
ـ هو انت معرفتش!
' لأ
ـ بص يسيدي الرخم الاول يبقي يوسف وانت بقي الرخم التاني.
سكت ومرضاش يكمل علي اسم اللي عمل كده ..لا اصيل يا جدو
' ومين بقي اللي قال كده
ـ سلمي
' ويوسف معملش حاجه ؟
ـ ايوا اصل هما كانوا زمايل مع بعض في الجامعه من زمان ولسه متقابلين من كام يوم
حد يجي ياخد جدو من هناك عشان مستقبل البنت خلاص بيدمر يا جماعه .
' اهه قولتلي زميلته .
مراد رفع حاجبه وبص لجدو ثواني كأنه ركب آخر جزء من الصورة.
ـ فيه حاجه والا ايه .؟
' لا ولا اي حاجه حضرتك متشغلش بالك
ـ حضرتي ايه بقي قولي يا جدو زي ما يوسف بيقولي
' حاضر يا جدو دا ليا الشرف طبعا
نرجع تاني بقي
– يوسف بالله عليك معتش قادره.. كفايه كده
= لسه حبه صغيرين ونكون خلصنا
– مش عايزه اعرف انا كفايه عليا اللي عرفته بقي
= خلاص ماشي
– بتتكلم جد ..يا فرج الله
لقيته بيبصلي وبيضحك ..فيه ايه يولا ماتبص بعيد عشان انا مش هقدر علي العيون دي وهيا بتبصلي بالشكل دا !
قربنا علي المكتب ومعتش حد فينا بيتكلم بس كنت حاسه ان يوسف عنده كلا كتير عايز يقوله ومش عارف او مش لاقي مني رد فعل يشجعوا يتكلم ..مش عارفه ؟
دخلنا المكتب. ولقيت كيميا غريبه بين حدو ومراد عمالين بيضحكوا ويهزروا وكله زي الفل ..ما اكيد بعد ما عرف مين الرخم بقي
يوسف بدأ يتكلم
= شايف انك خدت علي جدو بسرعه يا مراد
' ايوا دا راجل عسل
ـ تسلم يا مراد يا حبيبي وانت مطلعتش رخم خالص زي ماسلمي كانت بتقول .
' شوفت ظلماني ازاي يا جدو بذمتك انا رخم ؟
ينهار مش فايت انت قولتلوا يا جدو اعمل فيك ايه قولي بس يارتني ما رنيت كانت وارطه واحده كفايه بدل منا عماله اعد المصايب من ساعة ما جيت.. انا مني لله
لقيت مراد بيبصلي وبيقول
' نبقي نشوف مين الرخم دا بعدين يا انسه سلمي .
بيكلمني انا والا ايه يا جماعه ..لا انا شجره مبتكلمش اكتفيت بنظره العيل الصغير اللي عامل مصيبه وخايف من العلقه بتاعت امه اللي مستنياه .
– مش يلا يا جدو والا ايه ؟
ـ حاضر يا حبيب جدو يلا انا هسبقك اهو
= لسه شايفاني رخم ؟
– بعد اللي انتوا بتعملوه فيا دا ؟…بس لا مطلعتش رخم زي ماكنت مفكره
حسيت بفرحته لما قولت كده مش عارفه احدد السبب ياجماعه مش كلمه اللي تفرح واحد بالشكل دا
_ عن اذنك انا بقي الحق جدو ..بعد اذنك يا استاذذ مراد !
بصلي بس ما اتكلمش وخدت ديلي في سناني وطلعت جري يا جماعه انا لسه هستني مصيبه كمان والا ايه ؟
' هيا دي سلمي اللي كنت بتدور عليها يا يوسف ؟
اي دا بقي هيا فيها سلمي كمان ..حتي بعد ما مشيتي يا بنتي المصايب وراكي وراكي ..
