رواية ليتني واجهتك الجزء الثاني الفصل التاسع
ميس
جنت ضايجه وروحي اتريد اطك على سدره وحجيت الي بكلبي ماتحملت
طلعت فوك لشقتي سحبت البردات من الغرف وذبيتهم بل غساله
حتى اذا احد كالي امشي لزواج علي يشوفني دا اشتغل
طلع حمودي زوجي عليه
حمودي؛: ميس حبيبي يالا بدلي
ميس؛؛ ليش وين انروح
حمودي؛: انجيب العروس
ميس؛: روح انت اني مااجي ولااحضر عندي شغل
حمودي؛: ميس عيني ابويا ماريد ازعلو راح يزعل منج اذا مارحتي
ميس؛: الله يخليك محمد مااروح سدره مو قليله عليه
محمد؛: ابويا اهم امشي ميس الي بيا مكفيني
ماتحملت كمت ابجي خليت ايديا على وجهي وابجي حضني محمد ويهدي بيا
ميس::سدره خطيه حرام الي دا يسوي عمي ب سدره وعلي
محمد؛:اني كلبي دا يتفطر عليهم بس شنو بيدنا كوليلي والله ابويا لو ماهذا مرضو اني اول الناس اكف بوجهه ابويا هاي قسمتهم الل
لايسامح مختار على الشي الي سوى
يالا حبيبي امشي فدوه لعينج
هزيت براسي ورحت غسلت ولبست جبه بس خليت كريم لوجهي حتى مكياج ماخليت ولفيت الملفع (شال)وبدلت لجهال وطلعنا
علي جان وجهو مخنوك حيييل وامبين القهر على لدرج ماقبل مايلبس قاط لبس قميص وبنطرون
عمتي ماقبلت تجي وعلي ماقبل ويلادو ناخذهم
اهل عمتي ماجانو جاين بس عمات علي طلعنا لبيت اهل سلوى من دخلنا لكينا سلوى عازمه خالاتها وبنات خوالها علي حييل ضاج لان كالنا كتلها لاتعزم احد
اول من دخلنا كامو يهلهلون كبل محمد زوجي كال
محمد؛؛ بدون هلاهل عدنا عزه
كل وحده بيهم المكياج والملابس اتكول دافنين راس بصل علي دخل كعد يم سلوى حتى ماباسها من راسها
اني ماحبيت مكياجها جانت اوفر حييل شغلو اغاني نحنا وكفنا بصفحه اني وبنات عيالي علي دحك عليه اشرلي يعني طفي الاغاني
اني هم ردتها من الله ورحت على دي جي وطفيتو كبل وحده منهم كالت
ليش عيني طفيتي
ميس؛؛ حبيبتي نحنا دافنين زلم اثنين مو راس بصل
الميت راح الله يرحمو بس هي خطيه عروس خلي نفرح بيها
ميس؛؛ اذا عندج الميت الله يرحمو وراح هاي هي نحنا عدنا ماراح الميت اخو العروس واخو العريس لهذا ماكو اغاني
علي عرف راح اتصير مشكلة لان كلبي جان مليان بس ردت اتكاون (اتعارك)
كبل علي وكف على حييلو اني من شفت علي وكف سكتت رحت اتقدمت على سلوى غطيت وجها وعلي مسكها من ايدها وطلعنا
اخذنهم بل سياره مالنا محمد يسوق واني كاعده يمو وعلي وسلوى من ورى
والطريق كلو اتعمدت احجي هيجي حتى اغثها اشكد اكرها
ميس؛: يلا محمد وين رايحين هسا وكفت الغساله اريد ارجع
محمد؛: غير ناخذلهم صور ياعيني
ميس؛؛ اهوو ليش صور قابل كلمره علي اتريد ارق زواج زواجك انت وسدره جان يجنن
محمد يدحك علي يريدني اسكت
ميس؛؛ شلون لبست لبس علاوي بوكتها طلعت اتجنن خمه مثل هسا ولاعبالك عرسك عبالك رايح لفاتحه
محمد؛: انروح لغابات
ميس؛: غابات ليش اكولك عيني الغساله وكفت ووالجهال عفتهم يم عمتي
الطريق كلو ابسمر سلوى الي ماوصلنا المصور علي وسلوى نزلو ونحنا ضلينا كاعدين بل سياره
محمد؛:جان نزلتي ساعدتها اخاف تحتاج شي
ميس؛: عشتوو اساعدها هاي الوسخه
محمد؛: ميس كاافي كلشويه جايبه طاري سدره كدام علي
ميس؛؛ هيجي اريد اغثها الحقيره
محمد؛؛ شايل هم
ميس؛؛ على شنو حياتي
محمد؛؛ ابويا يعرف علي ماراح ياخذ سلوى وراح يطلب النيشان
ميس!؛ بس اهلك ماهيجي طبعهم تذكر بنحنا عمتي ماطلبت وحتى بسدره هم امها انطت لعمتي وعمتي كامت تحجي ماقبلت
محمد؛: صح كلامج بس سلوى وحد علي مارايدها وابويا يعرف ماراح ياخذها لهذا راح يريد بياضها....
كملو تصوير واخذنهم ورجعنا لبيت كعدنها اشويه بل صاله وبعدها طلعوها البنات لغرفتها
وبعدها جا خال علي ويلادوهم وكفو بره والجيران جت اتسلم على علي واتباركله
علي
دخلت لبيت عمي وحييل انزعجت ب سبب من شفت سلوى كن عزمت كعدت اشويه وبعدها شفت ميس واعرف ب ميس كلبها مليان وضايجه كمت اخذتها ورحنا لمصور
دخلنا لمصور اخذت كم صوره وجان المصور كل مايكول ابتسم جانت البسمه مزيفه
كملت وطلعنا لبيت وكفنا بل باب واجوي الجيران يسلمون ويباركون صار وكت العشه صبو العشه وصار وكت اطلع فوك لغرفه
قبل لااطلع كالو ابويا يريدك رحت على جان تعبان بستو وسلمت علي
ابو علي؛؛ مبارك عليك وليدي عرسك وان شاء الله اتشوف الراحه والسعاده مع بنت عمك
علي؛؛الله يحفظك يابا ويكومك بل سلامه
ابو علي؛؛ اريدك تراعي مرتك واتحبها واتمم زواجك منها
علي؛؛ان شاء الله
دا اطلع من الغرفه كالي
ابو علي!؛ تنطي نيشانها لامك
استغفرت ربي ودرت وجهي
علي؛؛ اي يابا صار
طلعت فوك لكيت امها وخالتها يمها سلمو عليه وطلعو كاعد على التخت قفلت الباب وجيت يمها
علي؛؛ شلونج
سلوى؛؛ زينه مبروك علينا
هزيت براسي
علي؛روحي بدلي بين مايجبون العشه
راحت اتبدل واخذت ملابس ودخلت لحمام
اندك الباب فتحتو لكيت ميس شايله صينيه العشه اخذتو من عندها وخليتو على الطبله واشويه سلوى طلعت دخلت غسلت وبدلت وصليت المغرب
كملت لكيتها لابسه ملابس مال نوم الابيض
علي؛؛ اكعدي اتعشي
سلوى؛؛ وانت
علي؛؛ موجوعان من اجوع اكل
راحت تاكل هي واني اتمددت على التخت طلعت جكاره وكعدت ادحك عليها وافكر .....
خلصت الاكل وراحت غسلت وجت كعدت يمي
اتقربت عليها وهي ابتسمت خليت شفتي على اركبتها مصيت ركبتها وعضيتها هي استسلمت ..!!
سدره
ضليت ثلاث ايام بعد ماعرفت بزواج علي بغرفتي خلاص ماطلع
بابا يجي عليه ويحجي معايا ارجع لحياتي
كرهت كلشي والكل صار بعيني لاشي
اخخ ياليل من يجي اشكد اكرهو واني اعرف حبيبي بحضن غيري هسا
هليوم علي صارلو خمس ايام متزوج
دك الموبايل صهيب
صهيب.... شلون الحلوين
سدره... الحمد لله
صهيب.... اذا ابشرج بشي اش تنطيني
سدره.... ماتوقع اكو شي راح يفرحني من هذا اليوم
صهيب.... لا صحيح نسيتي صارلنا سنين نتعب
انطيني البشاره طلع تعينا
ماعرف اذا فرحت او لا بس سكتت ماعرفت شنو اجاوب
صهيب... يالا كومي واستعدي المستقبل با نتظارنا
صهيب اخ ونعم الاخ الي مايتعوض سديت من عندو وصار ثاني يوم سبحت وسشورت شعري
وبدلت ونزلت لكيتهم يتريكون
سدره!؛ صباح الخير
الكل؛؛ صباح النور
ام سدره؛؛ هلا ببنتي الحلوه شنو هذا الجمال
ابو سدره؛؛ تعالي باباتي انطيني بوسه
اتقدمت بست ماما وبابا مختار كاعد
مختار؛؛ شلونج سدره
جاوبتو بدون مادحك على
سدره؛: من ماشوف وجهك اني مرتاحه
كام مختار عن الاكل جانت امي اتوكلو لان مايكدر عاف الريوك وراح
ابوسدره؛؛ بابا سدره اخوج هذا مهم يكون
سدره؛؛ اني ماعندي اخوان اخوتي طارق وعمر
بس
اريد سويج سيارتي
ابو سدره؛؛ وين اتروحين
سدره؛؛ طلع تعيني وراح ابدي من هليوم اباشر
ماما وبابا فرحو وكامو يبوسون بيا
ام سدره.... الف مبرووك يااحلى دكتوره
ابوسدره؛:الف مبروك حياة بابا دكتورتنا الحلوه شنو تريدين هديه كوليلي ابدلج السياره مالتج
سدره.... لا بابا سيارتي جديده مابيها شي بس اريد السويج حتى اروح
ابو سدره... اي يابا ادللي خلصي ريوكج وروحي
سدره؛؛ لكيتو فتوه لولا
ابو سدره؛: اي سالت الشيخ وكالي وكع الطلاق والعده خلصت
سدره؛؛ الحمدالله فرحتني
كملت الريوك وكمت اخذت السويج ورحت ركبت بل سياره وطلعت لبانزيخانه خليت بانزين
وبالطريق افكر واتذكر ايامنا اني و علي من اول من تعلمت سياقه لؤي علمني اني وجنات
جان علي يخاف عليه بس اني عندي شجاعه واحب اتعلم لان بابا جان دائما من نطلع سفره يكولي تعالي سوقي شويه
اتعلمت اسوق بس من تعطل ماعرف شنو اسوي وجنت كل ماتعطل اكول لعلي سيارتي عطلت
وعلي يروح يشوف شنو بيها ويضحك عليه يكول والله انتي بس تعرفين تمسكين ستيرين
مسحت دموعي وصلت المستشفى الحلو اني واماني وصهيب بنفس المستشفى.....
وماحاجه اوصف شعورنا شنو جان اول يوم ومكان لؤي وجنات بينا لان تركو بصمه بكلبنا ماتنسي طول العمر...
رحت ساعتين وطلعت ماتحملت مختنكه حييل ركبت بالسياره ورحت بوجهي لبيت عمتي
وصلت فرعهم ماتحملت كمت ابجي بس دموعي تنزل وصلت باب الحوش نزلت من السياره
وكمت ادحك على البيت وابجي انتهى كلشي وراح كل الحلم مسحت دموعي ماردت ابين كسرتي كدام علي ومرتو
اتقدمت على الباب سحبت السيم انفتح دكيت الباب ودخلت لكيت ماري تلعب مع صفا ابن حمودي شافتني ركضت عليه
ماري؛؛ مااااامي
سدره؛؛ يعمري
نزلت لمستواها احضنها
سدره؛؛ جيت اني جيت حتى اخذج واخذ اخوج
اتبوسني وابوسها دخلت جوى تركض واتصيح بابا
عمتي بل مطبخ شافتني وطلعت عليه اتبوس بيا
ام علي؛: ياامي سدره شلونج
مابادرت عمتي ما حضنتها ولابستها
سدره؛: جيت اخذ ويلادي
ام علي؛؛ سدره بنتي
سدره؛ مامحتاجه تبرير من احد
ام علي؛؛ فوتي
دخلت جوى حسوني كاعد كدام التلفزيون اتقدمت على وبستو
نزل علي من فوك وسلوى ورى اخخ ياكلبي كام يتكطع واحد يدحك على الثاني وبس العيون تحجي
علي
من شفتها كدامي لو بيدي احضنها وماعوفها لاخر نفس بيا عيونا جانت تحجي
سدره......
كمت على حييلي وكتلو
سدره؛؛ اريد ويلادي جاي اخذهم
سلوى؛؛ انتي شكو جايه هينا
سدره؛؛ اني ماجاي احجي معاج افتهمتي
سلوى؛: عشتو جاي على بيتي هذا عيني
سدره؛؛ هذا بيت عمتي ولاعبالج اخذتي علي عبالج صار هذا بيتج بعدين بالعافيه عليج عايفتلج الجمل بما حمل
سلوى؛؛ هذا بيت عمتج صح وبيت علي واني مرت علي شوفي اخذتو منج
رفعت ايدها كدامي الحلقه حييل استفزتني ماتحملت سحبتها من شعرها وصرت اضرب بيها
سدره؛؛ جلبه حقيره بوكت الزلم
هي صارت ادفع بيا واني احس الله انطاني كل القوه
وصرت اضرب بيها وعلي وعمتي بينا واني مجلبه بشعرها وهي احتارت شلون اتفشر عليه علي سحبني كل قوتو وصرخ على سلوى
علي!؛: اطلعي فوك كدامي بدون اي كلمه
سلوى؛: كح... المهم اخذتوو
سدره؛: والله الي اشرب من دمج يابنت الكلب
دا اريد اهجم عليها مره ثاني وعلي صار يصيح عليها وهي طلعت
علي؛؛ بسس كاافي اشجالج سدره
صرت اضرب بي واصرخ على وابجي
سدره؛؛ حقير الله يشيلك وينتقم منك شلون كدرت فهمني شلون اتخليها بحضنك ماتذكرني ولك حبيبتك جاي اتموت نسيتني نسيت حناني وحبي الك شلون كدرت هيجي اني رخيصه عليك
اتخبلت بس اضرب وابجي ميس وعمتي يبجون على بجي
حيييلي راح وكعت بل كاع نزل لمستواي وحضني
علي؛؛ كاافي يروحي كاافي
سدره؛؛ عوفني لاتلمسني عوفني صرت اتنجس منك
علي::؛ والله احبج والله مانسيت لاحنانج ولانسيتج
سحب راسي على صدرو وضليت ابجي واشهك بحضنو
سدره؛؛ الله يخليك عوفها طلكها حباب ابوس ايدك ابوس رجلك جاي ااااموت علي جاي اموت
كمت اضرب على صدرو واصيح جاااي اموت طلكها عوفها بعد ماتحمل
سحبت ايدو وابوس بيها
سدره؛؛الله يخليك طلكها الله يخليك
ميس؛؛ كاافي سدره كاافي اتذلين روحج
سدره؛؛عوفني هذا حبيبي هذا صديق طفولتي وحب مراهقتي لو شنو ماسوي مانذل
علي؛؛ الله يخليج كاافي
سدره؛؛ وسددددره اتموتت عااادي عندك
دموعو كامت تنزل ماتحمل كام ودار ظهرو
علي؛؛ اخذي ويلادج وروحي عيشي
سدره.... هسا هسا تكولي عيشي هسا يااعلي ليش خليتني احبك من البدايه ليش؟؟ ماريد ويلادي ماريد اهلي ماريد بيت عمتي اريددك انت عللللي لاتروح الله يخليك
راح وعافني ودخل لاستقبال واني بعدني ابجي واصرخ علي
عمتي وميس حضنوني ويبجون عليه
سدره؛؛ راح يووم عافني علي عافني وراح خسرتوو
ميس؛؛ كاافي سدره كاافي الله يخليج اخذي ويلادج وروحي عيش حياتج
سدره؛؛ ماريد احد ماريد اريد علي علللللي تعال حباب تعااااال والله ماعوفك الها
يوم يوم الله يخليج احجي معا كوليلو يمه اني مو بنتج ليش هيجي كسرتوني والله مو اني الي قتلت لؤي والله حررررام عليكم حرررام
ماراح اسامحكم طول عمري الله ينتقممممم مننننك علي ان شاء الله عمرك ماتشوف الراحه معاها
ام سدره؛؛ كاافي ياامي كاافي يابنتي كومي
كوموني على المغاسل غسلو وجهي وشربت ماي سكتت وارتاحيت اشويه بعدها كمنا اني وميس حضرنا اغراض حسوني وماري ولميت كل ملابسهم بس عفت العاب حتى من يجون
لميت الاغراض مالتي واخذت البومات الصور معايا وميس خلت الجنط بل سياره
وسحبت ماري وشلت حسوني بحضني وطلعت عمتي باستني وميس وصلت لباب الحوش جاني صوتو صاح
علي؛؛ماري بابا
ماري راحت تركض على باسها وكالها
علي؛؛ لاتذوبين كلب ماما ودير بالج على اخوج وكل خميس ادز عمه ميس تجي تاخذكم اشوفكم يالا بابا روحي
جت ماري تركض عليه ضليت واكفه ادحك على وابجي وهو يدحك عليه
وكلبي دا يتكطع فات جوى وسد الباب انهاريت بل بجي حضنتي عمتي من كتفي وباستني وتبجي
ام علي؛: روحي امي روح الله يرضى عنج سامحينا يمه سامحينا
سدره.... كلبي يمه كلبي دا اموت بنتج ماتت يمه الله عليج ليش خليتو يتزوج ليش
ميس.... بس يعمري بس ارحمي نفسج خسرتي ابنج شنو تخسرين بعد
حضنتني عمتي وضمتني وهي تشم بيا
ام علي.... راحو قصي وماريه فدوه لدموعج يااامي والله محد يستاهل سدره ارفعي راسج ولاتبجين
مسكت وجهي ورفعته وتبوس بوجهي وتمسح دموعي اشرت باصبعتها على كلبي
ام علي.... هذا الجرح الي بكلبج راح يصنع من عندج سدره القويه من هذا اليوم انتي سند نفسج امشي يمه وروحي ودير ظهرج لدنيا اني ماراح انساج طول العمر والله لو نزلتي من بطني ماجنتي راح تكونين هلكد غاليه روحي بنتي روحي الله وياج
دحكت عليها بنظره وعيوني تحجي ووجهي يبجي وهمستله
