#عمل_بالموت
قصة مستوحاه من أحداث حقيقية
ح الأولي
عايزين مني ايه ؟ لا ماحدش يقربلي لااااااااا
ماما : الحقيني فريدة بتصوت في الحمام وبتكلم حد
ماعرفش ايه اللي حصلك يافريدة من يوم خطوبتك وانتي تعبانه وكل يوم حالتك بتسوء اكتر لسه بتفكر في بنتها
وشايله همها جه صوت رغد قامت مفزوعه وطلعت تجري واول مافتحت الحمام لقت بنتها مغمي عليها
الام .. بسرعة طلعي اختك معايا
رغد خايفه وبتبص في أركان الحمام قبل ماتدخل
الام بتشيل بنتها اللي بقت زي الريشة وجسمها بيقل يوم عن يوم وكأنها ساعة رمل لها وقت محدد وهتفرغ كل حبه وتبقي ازازة فاضية
رغد .. فوقي ي حبيبتي وانا اديكي لبسي من غير ماتخانق معاكي ارجعي لحياتك وخطيبك اللي مافرحتيش بيه
الام .. اسكتي وشه شوؤم من ساعة مالبست دبلته وهي منصابه وحالتها في النازل
خدوها علي الصالة بيتهم بسيط لكن منظم ومرتب نيموها علي الكنبة واول مافاقت كانت عيونها حمرا وتايهه ومش ع لسانها غير هاتولي فستان الشبكة
بصت رغد لامها وقالت فاكره فريدة اتخطبت ازاي ياماما ومين حضر الخطوبة ؟
____ #أماني_عنان _____
قبل الخطوبة بيوم فريدة بنت جميلة ومهتمه بنفسها جدا مناكير وتربون للشعرها وقصة مصبوغه البنات في الحته كانت بتتعلم منها الموضة هي صحيح انزوحه شويه بس من جواها ساذجة وسطحية تتشكل علي الايد زي ماخطيبها نادر عايز
نادر .. جاهزة للخطوبة ي مزتي
فريدة بتضربه علي كتفه بدلع .. ايوا دي خطوبة هو يعني جواز
نادر .. ياريت ماتيجي نخليها جواز ونخلص
فريده بضحك .. يامامي تخلص من ايه هي اكله وهتاكلها
نادر .. لا قطة وها
فريدة برقت ببرائه ومستنيه نادر يكمل
اخد باله ابتسم وغير طريقته خالص
نادر .. قطه هحبها وادلعها
فريدة وشها نور تاني .. ايوا كدا حبيبي يا نودي
نادر .. طب ايه 😉
فريدة قامت وقالت يالا نمشي لسه عايزا اعمل شوية حاجات وانام بدري عشان بشرتي ماتبقاش منتفخه بكره
نادر .. هتعرفي تنامي ؟
فريدة .. وبعدين معاك بقي انت عارف ان بكره يوم مش عادي وانا بعشقك ارتاحت بقي
نادر مسك أيدها .. انا مرتاح طول مانتي معايا
فريدة شالت الشنطة اللي فيها العروسة والمكياج ومشيت
بقلمي أماني عنان
في بيت نادر بنت خالته تاره راحه جايه ومش عارفه تقعد ،امها بتغمز لها وهي مافيش فايدة
تاره .. طنط هو نادر هيجي امتي ؟
ام نادر بتعمل حلويات ومبسوطة مش عارفه ي روح خالتو هو مع خطيبته
وشها احمر .. خلاص بقت خطيبته
شدتها امها من أيدها وقالت بصوت واطي .. ماتتلمي بقي ي تاره كدا الناس هتاخد بالها
تاره .. ماتاخد ولا تولع انا مايهمنيش غيره هو الوحيد اللي مش واخد باله انا هموت ياماما لو شوفته مع غيري
الام .. دا نصيب ي حبيبتي ومالناش دخل فيه
تاره .. لا لينا
الام .. قصدك ايه ؟
تاره .. نعمل لها عمل
الام .. هههههه انتي بتصدقي في الهبل دا
تاره .. ايوا دا اخر امل عندي نادر مش هيشوفني الا لو البنت دي طلعت من حياتنا
خالتها .. ايه بتتودودوا ف ايه ؟
الام .. لا خالص ي انوش ياحبيبتي
طيب هدخل احط الكيكة في الفرن واطلع لكوا
تاره .. تسلم ايدك مقدما يا اجمل خالتو
في بيت تاني أسرة مستقرة مكونة من زوج وزوجة وطفلين أسر وادم
الزوجة .. حبيبي الاكل دا كتير اووي مش قولتلك لم ايدك شويه
احمد .. مايغلاش عليكوا حاجة انتوا حياتي
ريم .. انت كريم اوي ودا كتير انا هرن علي ايناس تاكل معانا
بتكشيره رد احمد .. مابلاش البنت دي انا مابرتاحلهاش
ريم .. حريم عليك دي بنت غلبانه اهلها مسافرين ومالهاش حد
احمد .. واحنا مالنا
ريم .. انا بعتبرها زي اختي وبنفضفض سوا
احمد .. براحتك اعملي اللي يريحك
ريم قبلت خده وطلعت تجري زي العيلة الصغيرة تخبط علي ايناس جارتها عندها خمسة وعشرين سنة ولسه آنسة متوسطة الجمال وهاديه طويلة وعيونها خضراء وافقت ايناس ع مضض تيجي تاكل عندهم ومره ف مره بقت جزء من أسرة ريم من غير ماتحس
احمد رجع البيت بدري
ريم ،ريموووو حبيبتي
ايناس كانت قاعده مع أولاده اللي عمرهم تلت سنين الكبير وسنة الصغير ،الكبير نام اول ماسمعتش صوته حطت الولد علي الارض وقلعتالازدال وفضلت بفستان شقة قصير رفعت الولد من ع الأرض وفضلت تغني له قال يعني هتكون احسن من أمه هههههه واخدين بالكوا ..!!
هي الستات كدا لما تحب تجيب واحد متجوز تتدخله من ناحيتين الولاد واللبس
ايناس .. دبدوبي ي كميلة هاتي بوسه لخالتو اموووه
وقف احمد شويه ع باب الأوضة وبعدين قرر يخرج
ايناس .. ايه دا حضرتك جيت ي ا .احمد ؟
احمد .. لا مؤاخذه كنت بحسب ريم موجوده هي فين ؟
ايناس ..خرجت تشتري شوية حاجات للمطبخ
احمد .. طب هنزل انا استناها علي القهوة لحد ما ترجع
وقبل مايفتح الباب حطت الولد علي السرير وجريت وقفت قدامه
ايناس .. ابدا ودي تيجي تسيب بيتك وتنزل
احمد بيبلع ريقه بصعوبه ويبص علي السلم بيقول فينك ياريم دي عمله تعمليها
الحلقة الثانية من هنا
بدل ماتدور وتبحث علي الروايات خليها علي تليفونك وحمل تطبيقنا
