اسمي سارة عندى ٢٧ سنة خريجة كلية من كليات القمة
بشتغل فى وظيفة مرموقة عيلتى ناس متوسطة مش اغنية اوى بس عايشين فى مكان كويس
بقولكم كل ده ليه
انا مريت بتجربة صعبة جدا من ٣ سنين كنت بحب جارى وصديق الطفولة لحد ما اتخرجنا انا وهو مع بعض واشتغلنا مع بعض وكل الناس كانت عارفة علاقتنا ببعض
بس عارفين؟
الحلو مبيكملش خانى!!!
ومع مين؟
اقرب صاحبه ليا طبعا قصه معروفة جدا
بس اللى مش تقليدى انه اتجوزها فى اقل من سنة
ومراته دلوقتى حامل!!!!
ومن هنا تبدا قصتى
كنت راجعة من الشغل ماما كلمتنى فى التليفون روحى يا حبيبتى هاتى طقم فى عريس متقدملك وجاى هو واهله النهاردة قولتلها حاضر يا ماما
انا عارفه ماما بتعمل كدة عشان نفسها انسي علاقتى مع عمر
وكمان انا مبقاش فارق معايا لأنى فى الاخر انا مخدتش حاجه من الحب وانا ماشية بالعربية ومشغلة عمرو دياب
وبيقول تقدر تقدر تتكلم على روحك يا حبيبى خلاص ما بقينا اتنين.... طول عمرنا عايشين روح واحدة دلوقتى خلاااااص بقينا روحين..
صادفت شخص قدامى وانا سرحانة وكنت هخبطه
وقفت العربية ونزلت اشوفه قولتله انت كويس
قالى اه كويس هو حصل حاجه ده يا دوب كنتى هتموتينى بس
قولتله بتستظرف صح
قالى صح 😁
قولتله تمام عن اذنك
قالى مش ناسية حاجه
قولتله لا فى حاجه انا نسيتها؟!!
قالى اه
قولتله خير ايه هى؟
قالى تعتذرى
بصتله كدة🧐
قالى مالك تنحتى كدة ليه
قولتله لا ابدا انا اسفة وعن اذنك
قالى ولا يهمك متقلقيش انا كويس
قولتله الله اتكل على الله بقا
وسيبته ومشيت ركبت العربيه لقيته بيعمل باى باى وبيضحك
قولت فى نفسي رخم اوى
ودخلت المحل اشتريت فستان كشمير حلو اوى وطرحة رمادى وروحت
ماما قالتلى البسي يلا يا حبيبتى قولتلها حاضر يا ماما بجهز اهو لبست الفستان والطرحه وحطيت ميك اب خفيف ماما قالتلى حطى كحل مع عيونك العسل دى هتبقى قمر جهزت خلاص وماما قالتلى تعالى يلا عشان تقدمى العصير دخلت الصالون واتفاجات انه.....
الجزء الثاني هنا....
بدل ماتدور وتبحث علي الروايات خليها علي تليفونك وحمل تطبيقنا
