Ads by Google X

روايه اسير الماضي كامله


 أسير الماضي ''

الفصل الاول 😇


صحيت من النوم حاسس دماغي تقيلة و الاوضة ضلمة قمت شغلت النور حسيت اني لاول مرة اشوف النور بعد فترة كبيرة و بعدها بشوية حسيت ان دماغي فاضية و بحاول افتكر اسمي و انا مين و مش عارف و في اسئلة كتير اوي جوة عقلي ' انا مين؟ انا فين؟ و اي المكان الغريب ده و انا جيت هنا ازاي اصلا؟ حاولت افتح باب الاوضة بس شكله كان مقفول من بره  قعدت ادور على اي حاجة تعرفني انا مين لقيت كراسة جوة الشنطة اللي جنب السرير و كان مكتوب عليها "ياسين مختار " و حاولت افتكر حاجة ليها علاقة بالاسم ده قعدت اكرر الاسم كتير و في الآخر افتكرت صوت بينده عليا بيقول ياسين استني ياسين يا حبيبي استنى اخوك امسكه في ايدك فحسيت ان الاسم دا مألوف اوي و استنتجت ان دا اسمي ياسين مختار اسمي اول خيط في الذكريات ابتديت امسكه بايدي فتحت الكراسة لقيتها مليانة تواريخ حاولت افتكر حاجة دماغي لفت بيا قولت استريح شوية و بعدين ارجع احاول تاني رجعت على السرير تاني و حاولت انام بس كل ما اغمض عيني احس شريط حياتي بيمر قدام عيني قطع منه سمعت صوت ضحكة كان بيبان ليا انه مألوف و بشوف عين جميلة جدا لونها بني و رسمتها زي رسمة عيون القطة بس مش عارف مين صاحبة العيون دي نمت و بعدين تاني يوم الصبح فتحت الكراسة و بدأت اقرأ التواريخ و مش فاكر و لا واحد  و بعدين لقيت باب الاوضة اتفتح و واحد دخل قاللي أخيرا صحيت

انا (ياسين) : انت مين؟ و ايه المكان دا؟ يا ريت تجاوبني عن كل اسئلتي

الراجل : انا اسمي "محمد شكري" انت عملت حادثة من ٣شهور و كان بيجيلك نوبات عصبية و بعدين دخلت في غيبوبة و انا قررت اساعدك بما اننا مصريين و في الغربة

انا : في الغربة! هو احنا فين بالظبط؟

محمد : احنا في اليونان و انت اصلا رجل اعمال مصري و ناجح جدا كمان دا كل اللي انا اعرفه عنك و والدك متوفي و سابلك شركته و انت بقيت مديرها

انا : طيب ممكن تسيبني لوحدي شوية.

محمد : طبعا بس لو احتجت اي حاجة تقدر تندهني

انا : ممكن تجيب لي تيليفون ضروري

محمد : حاضر

اول ما طلع من الاوضة كان كل همي اعرف كلامه صح و لا غلط

و بعدها بشوية لقيت محمد بيخبط و بيقولي جبت لحضرتك التيليفون اخدت التيليفون منه و قعدت ابحث عن '' ياسين مختار'' لقيت عناوين مختلفة زي "سقوط رجل الاعمال الشهير" 

 فتحت موقع منهم و قرأت فيه" موت زوجة ياسين مختار 

الحلقه الثانيه من هنا

بدل ماتدور وتبحث علي الروايات خليها علي تليفونك وحمل تطبيقنا

تحميل تطبيق سكيرهوم
تعليقات



حجم الخط
+
16
-
تباعد السطور
+
2
-